فكرة جديدة طلعت معي للبنة نباتية شهية وحبيت شارك الطريقة معكون خصوصي محبي اللبنة
مقادير لبنة اللوز والرز النباتية
- كاس لوز منقوع ليلة كاملة ومقشور
- كاس زر مطبوخ بماء فقط وينشف جيدا بلا مايحترق
- قليل من الشوفان عند الحاجة مطحون قليلا لانحولة لدقيق
- ٢/١ كاس ماء يستعمل لطحن الأرز و اللوز قابل للزيادة
- عصير نصف ليمونة حامضة قابل للزيادة حسب الذوق
- م ص ملح بحري او حسب الذوق
طريقة عمل لبنة اللوز والرز النباتية
بعد نقع اللوز ليلة كاملة وتقشيره (بنقعه قليلا بماء مغلي يسهل تقشيره)
نخلطه بالخلاط مع نص كاس ماء لينعم
ثم نضيف الأرز بعد ان يبرد ونخلط مع عصير نصف حامضة واذا احتجنا قليل من الماء
(اذا الماكينة صغيرة لا تتسع الرز واللوز كل واحد نخلطه لوحده)
نخلط الأرز و اللوز بس ينعمو جيدا بوعاء زجاجي او استانلس له غطاء و نركز الملح واذا في كتير مي بالمزيج نضيف ملعقتين شوفان المطحون نص طحن و نخلط و نغطيه ونتركة كم ساعة خارج البراد ( انا ضلو ٦ ساعات صارت رائحتهم تشبه اللبنة و وضعتهم بالبراد احسن ما يفسدو)
ثم نضعهم على قماش ليمتص الماء الزائد بوعاء ونغطيه بالقماش ونتركها يوم او يومين ليتخمرو بالبراد
(حسب حرارة البلد يلي انتو فيها كل مايكون شوب بتخففو يوم و بتعرفو من الريحة بتتحمل او لا)
ثم نركز الملح والحامض حسب الرغبة
ونستطيع حفظها بمرطبان فوقه زيت بالبراد
او نشكلها دوائر واذا بعدا مش متماسكة تضع الدوائر ع صينية عليها قماش و فوق الدوائر كذلك قماش دون غطاء وتتركهم يوم بالبراد بيروح المي وتصبح متماسكة بعد يوم
ثم نضعها بالمرطبان مع زيت زيتون وكل ماتخمرت بالزيت اطيب وتحفظ بالبراد
صحة
فوائد لبنة اللوز والرز
اللوز له تأثير واضح على مؤشرات القلب: تحليل حديث شمل 36 دراسة و2485 مشاركاً وجد أنه خفّض LDL والكوليسترول الكلي وnon-HDL وApoB. المصدر.
ومع هالتأثير بيجي بروتين نباتي وألياف ودهون غير مشبعة وفيتامين E ومغنيسيوم. يعني لبنة كريمية من اللوز والرز، من دون حليب حيواني ومن دون كوليسترول غذائي.
وملاحظة مهمة: «B17» أو اللايتريل ليس فيتاميناً مثبتاً ولا علاجاً للسرطان؛ قوة اللوز الحقيقية ما بحاجة لهالادعاء أصلاً. National Cancer Institute.
وصفات لبنة وحليب نباتي مرتبطة:
- لبنة اللوز والرز السريعة المستخدمة بطبخات اللبن
- اللبن الرائب النباتي من اللوز
- لبنة اللوز والصويا
- حليب اللوز المنزلي
صورة مختلفة ووصفة ثانية من نفس المطبخ النباتي. روح جرّبها من هون.
3 أفكار عن “طريقة تحضير لبنة اللوز والرز النباتية”
وصفة رائعة ومانا كتير معقدة☺الف شكر الكن
شكرا حمزة ع مشاركتك هيدا شي بيفرحنا.. هيك هدفنا نعمل وصفات متوفرة .. جربا كتير شهية
Thanks for the delicious receipts.good choice.wish you all the success and happy healthy life.