مقادير إيتش اكلة شهية من البرغل والبندورة
- كاس ٢برغل ناعم
- بصلة ٢ مفروم ناعم
- كاس زيت زيتون ( يمكن تخفيف كمية الزيت حسب الرغبة
- ٣ بندورة كبيرة مفرومة ناعم
- م ك ٢دبس فليفة( حسب الرغبة بالحر)
- ٣م ك دبس البندورة
- م ك دبس رمان
- م ك بابريكا
- عصير حامضة كبيرة
- رشة سبع بهارات
- ملح حسب الرغبة
- باقة بقدونس مفرومة ناعم
- كمشة ورق بصل اخضر مفروم ناعم
- كاس ماء
طريقة تحضير إيتش اكلة شهية من البرغل والبندورة
منقلي بصلتين مفروم ناعم بنص كاسة زيت زيتون بس يدبلو منضيف 2م ك دبس فليفلة و٣ حبات بندورة كبار مفروم ناعم
ونص كاس زيت زيتون( يلي مابدو يكتر زيت يخفف الكمية)
و٣ م ك دبس بندورة وعصير حامضة وملعقة دبس رمان وملح وبهار
و منتركن يغلو على نار هادئة وغطاء فوق الطنجرة، لتذوب قطع البندورة، منضيف كاس مَي وبس يغلو نطفئ النار،
ومنزيد البرغل الناعم كاستين .. منصير نضيف نص كاس ونخلط لنحس انو البرغل شرب الصوص ومنزيد نص كاس برغل ثاني ونخلط لازم مايكونو ناشفين ولامرقين، انا أخدو معي كاستين برغل (حسب حجم البندورة وكمية الصوص)
نغطي الطنجرة ونتركها مغطاة ٢٠ د وبعدين منعجن البرغل ومنركز الملح والحامض .. انا عملتو بملعقة خشب لان سخن
وبس ينخلطو منيح منضيف باقة بقدونس مفرومة ناعم ونخلط جيدا .. ونزين ب بصل اخضر مفروم
ونستطيع اكلها باوراق الخس او ورق العنب الاخضر
صحة
ليش الإيتش أقوى من قائمة «فوائد البرغل»؟
لأن الطبق نفسه حزمة كاملة: برغل + بندورة + بقدونس + بصل + زيت زيتون، مو مكوّن واحد نحمله وعوداً سحرية.
البرغل مصنوع من القمح، وإذا كان من الحبة الكاملة فهو يعطينا الألياف ومغذيات الحبة بدل الدقيق المكرر. ومراجعة منهجية للتجارب العشوائية وجدت أن استبدال الحبوب المكررة بالحبوب الكاملة حسّن عدة مؤشرات، منها LDL والكوليسترول الكلي وHbA1c وCRP. هذا ما بيخلي البرغل «دواء للقلب»، لكنه دليل أقوى بكثير من كلام عام عن تنشيط المناعة أو إنتاج الكولاجين. المصدر.
والبندورة والبقدونس والبصل بيضيفوا خضاراً ومركبات نباتية، والحامض بيعطي فيتامين C وبيساعد على امتصاص الحديد النباتي الموجود بالوجبة.
يعني الإيتش مو صحي لأنه البرغل «يصنع الكولاجين». هو طبق نباتي تقليدي ممتاز لأنه يجمع الحبوب الكاملة والخضار والأعشاب والدهون النباتية بنفس الصحن.
جرّب مناقيش المحمرة، كبة العدس النية، أو كباب العدس النباتي.
