كبة نباتية من البرغل والبطاطا والجوز، مع حشوة حمص وبصل ومكسرات. نفس الوصفة الأصلية، بس مرتبة لتكون أسهل بالتحضير.
المقادير
عجينة الكبة
- نصف كيلو برغل ناعم
- حبة بطاطا كبيرة مغسولة ومقشرة
- كمشة جوز
- بصلة كبيرة
- 3 م ك دقيق
- م ك كمون
- 2 م ك مردكوش
- م ك فلفل أسود
- م ك سبع بهارات
- رشة هال + رشة جبق + رشة غار
- ملح
- ماء بارد للعجن
- زيت للقلي
الحشوة
- بصلة كبيرة مفرومة ناعماً
- 2 كاس حمص مسلوق ومفروم
- كمشة قلوبات محمصة: صنوبر أو جوز أو لوز
- 4 م ك زيت
- م ص سبع بهارات
- م ص فلفل أسود
- ملح
- حر (اختياري)
طريقة التحضير
1. عجينة الكبة
- نضع الجوز والبصل وكافة مقادير الكبة ما عدا البرغل والبطاطا المسلوقة والدقيق والماء بالماكينة، وننعمهم ليصبحوا كالعجينة.
- نضيف الناتج فوق البرغل ونخلط جيداً، ونتركهم 10 دقائق ليأخذ البرغل النكهات.
- نضيف البطاطا المسلوقة بعد تقشيرها والدقيق ونعجن جيداً.
- نضيف الماء البارد حسب الحاجة لتضل الكبة متماسكة.
- نضعهم بماكينة الكبة لينعموا، ونعدل الملح والبهارات.
- نجرب تشكيل الكبة، وإذا لم تتشكل نضيف قليلاً من الدقيق.
2. الحشوة
- نضع الزيت بالمقلاة ونضيف البصل ليذبل.
- نضيف الحمص المسلوق والمفروم ونخلط جيداً.
- نضيف البهارات والملح.
- بعد إطفاء النار نضيف المكسرات المحمصة ونخلط، وبذلك تكون الحشوة جاهزة.
3. التشكيل والطبخ
نشكل الكبة ونحشيها كما بالصورة ونقليها بزيت حامي، أو نعملها أقراص مشوية بعد دهن الصينية والقرص بالزيت. تقدم مع السلطة.
صحة 🙂
شو بتعطينا كبة الجوز والبطاطا فعلاً؟
البرغل بيعطينا حبوباً كاملة وأليافاً، الحمص يضيف بقولاً وبروتيناً نباتياً، والجوز يضيف دهوناً متعددة غير مشبعة، ومنها ALA أوميغا 3، مع معادن ومركبات نباتية. يعني الوجبة غنية من أساسها وما بدها وعود عن «تقوية الذاكرة» أو علاج المزاج.
الجوز له تأثير واضح على القلب: تحليل حديث لـ49 تجربة عشوائية وجد أنه خفّض LDL والكوليسترول الكلي والدهون الثلاثية. المصدر.
وفي تحليل آخر للتجارب العشوائية، حسّن الجوز وظيفة بطانة الأوعية الدموية، وهي جزء أساسي من صحة الشرايين. المصدر.
يعني هاي الكبة ما عم تستبدل اللحم بشي «فارغ»؛ عم تحط محله جوزاً وحمصاً وبرغلاً وبطاطا: ألياف، بروتين نباتي، دهون غير مشبعة، وفائدة قلبية قابلة للقياس.
لنسخة نية جرّب كبة البطاطا والجوز النية. وللكبة بالصينية جرّب كبة العدس أو كبة اليقطين.
